Од Евромајданот, пред девет години, брилијантната украинска музичка и изведувачка група Ќерките на Дак од Киев, се стекнаа со меѓународна популарност. Во овој перформанс „Танцот на смртта“, што е создаден кратко по почетокот на руската воена агресија, овие шест актерки и пејачки ги раскажуваат приказните на жени од Украина – приказни за војната и нивните секојдневни животи и нивните семејства и за тоа како ова го има променето нивниот однос кон животот. Ќерките на Дак се движат меѓу нивните виртуозни меѓужанровски композиции, меѓу етното, панкот, кабарето и водвил – и не само за да се наслика насилната природа на еден конфликт на еден многу моќен начин, но и за да се обрати кон хуманоста и солидарноста. На сцената се шест. Шест жени-артисти, музичарки, актерки, Украинки. Со нас се соочуваат. Се соочуваат за да пружат отпорт, за да се борат, за да продолжат да живеат; ја прераскажуваат војната и нејзиното безимено насилство, корнењето на нивните корења од татковината, прогонот, она за кое што не се зборува. Со огромна сила и ранливост, неуморно го раскажуваат нивното заминување и пристигнување, раскажувајќи ја приказната на оние што останале.

Според зборовите на „Книгата на Јов“, проткаена со песни и музика, сведоштва и приказни за војната, „Танцот на смртта“ е дело обоено со притисокот од сегашноста и од необјавените вести.